BASQUE RESEARCH
 Euskal ikerketa, garapena eta berrikuntzaren webgunea

Berriak

Kontaktua:

Garazi Andonegi

Elhuyar Fundazioa

Harremanetarako datuak:

g.andonegi@elhuyar.com

(+34) 943363040

2008/9/23

Euskadik Estatuko Bioeskualdeen Sare berria sortzea bultzatu du

Euskadik, beste lau eskualderekin batera, Bioeskualdeen Estatuko Sare berria aurkeztu du (RBR). Euskadi, gainera, bazkide sortzaileetako bat da. Proiektuaren bultzatzaileak Biocat eta BioBasque izan dira —bioeskualde kataluniarra eta euskalduna— eta helburua da bioteknologiari bultzada bat ematea. RBRan, Madrilgo, Andaluziako eta Valentziako bioeskualdeek ere hartzen dute parte. RBR sarea sektorearen inflexio-puntu bat da, eta Estatuko bioeskualdeak biltzeko, ekimenen koordinazioa errazteko, eta eskualde autonomoen eta Gobernu zentralaren artean bioteknologia eta biozientzien sektorearen garapenerako eman beharreko komunikazioa hobetzeko beharrari erantzuten dio.

RBRa egun Espainian eratuta dauden bioeskualdeek osatzen dute: BioBasquek, Andaluziako Bioeskualdeak, Kataluniako Biocat-ek, Madrilgo komunitatearen Bioclusterrak eta Bioval Valentziakoak. Hala ere, ideia da etorkizunean beste hainbat eskualdek ekimenarekin bat egitea, Kanarietako Bioeskualdeak, Extremadurakoak, Aragoikoak, Nafarroakoak eta Balear Uharteetako bioklusterrak, esaterako.